ناروے سے تعلق رکھنے والے ڈانس گروپ دا کوئیک اسٹائل کی پاکستانی گلوکارہ شازیہ منظور اور بھارتی بینڈ اسٹیریو نیشن کے گانے پر ڈانس کی ویڈیو نے سوشل میڈیا پر دھوم مچا دی۔
کوئیک اسٹائل ڈانسرز نے گزشتہ روز اپنے انسٹاگرام اکاؤنٹ پر ایک نئی ویڈیو شیئر کی ہے جس میں انہوں نے پاکستانی گلوکارہ شازیہ منظور کے گانے بتیاں بجھائی رکھ دی اور امریکن میوزیکل بینڈ بلیک آئیڈ پیس کے گانے بے بوٹ کے ریمکس پر عمدہ ڈانس کیا ۔
ساتھ ہی انہوں نے اپنے مداحوں اوردنیا بھر میں موجود ڈانسرز کو اس ری مکس ٹریک پر ڈانس موو کا چیلینچ بھی دیا۔
تاہم آج انہوں دبئی کی ایک ویڈیو شیئر جہاں وہ بھارتی گلوکار تاز کے مشہور گانے نچاں گے ساری رات کے گانے پر پرفارم کررہے ہیں۔
ناروے سے تعلق رکھنے والے ڈانس گروپ دا کوئیک اسٹائل کی ایک شادی میں پرفارمنس کی ویڈیوز کچھ ماہ قبل بہت وائرل ہوئی تھیں۔
کچھ دن قبل اس گروپ نے بلوچی گلوکار وہاب بگٹی کے گانے کنا یاری پر بھی پرفارم کیا تھا جبکہ دبئی میں ان سے ملاقات بھی کی تھی۔
