حال میں شادی کے بندھن میں بندھنے والے بالی ووڈ کے اداکار رنبیرکپور اوراداکارہ عالیہ بھٹ والدین بن گئے۔

بھارتی میڈیا کے مطابق عالیہ بھٹ کو صبح 7 بجے ممبئی کے ایک اسپتال میں منتقل کیا گیا جہاں انہوں نے بچی کو جنم دیا۔

اداکارہ عالیہ بھٹ نے اپنے انسٹاگرام پر پوسٹ شیئر کی جس میں لکھا کہ ”ہماری زندگی سب سے اچھی خبر ہے کہ ہمارے ہاں ایک بچی کی پیدائش ہوئی ہے“۔ انہوں نے جذبات کا اظہار کرتے ہوئے بتایا کہ ہم خوشی سے نہال ہیں کہ ہم والدین بن گئے ہیں۔

دوسری جانب بھارتی میڈیا نے بتایا کہ اتوار کی صبح عالیہ اور رنبیر کو ممبئی کے ایچ این ریلائنس فاؤنڈیشن اسپتال میں آتے ہوئے دیکھا گیا تھا۔

جوڑے کی رواں سال اپریل میں ممبئی میں شادی ہوئی تھی جبکہ عالیہ بھٹ نے جون کے میں انسٹاگرام پر ایک پوسٹ کے ذریعے حاملہ ہونے کا اعلان کیا تھا۔