لاہور کے شوکت خانم اسپتال سے پی ٹی آئی چیئرمین عمران خان کی ایک جھلک سامنے آئی ہے۔

ویڈیو میں دیکھا جاسکتا ہے کہ عمران خان بیڈ پر لیٹے ہیں اور ان کے پاؤں میں پٹی بندھی ہوئی ہے۔

واضح رہے کہ گزشتہ روز وزیر آباد میں حقیقی آزادی مارچ کے دوران عمران خان کے کنٹینر پر فائرنگ کی گئی تھی۔

واقعے میں ایک شخص جاں بحق اور پی ٹی آئی چیئرمین سمیت 13 افراد زخمی ہوئے تھے۔

فائرنگ کرنے والے شخص کو بعد میں کنٹینر کے قریب سے پکڑ لیا گیا جس نے عمران خان پر فائرنگ کا اعتراف بھی کیا تھا۔