اسلام آباد کی مقامی عدالت نے اداروں کے خلاف بغاوت پر اکسانے کے مقدمے میں شہبازگل کی حاضری سے استثنا کی درخواست منظور کرلی، جج نے ریمارکس دیے کہ آخری موقع دے رہا ہوں آئندہ سماعت پر ملزم اپنی حاضری یقینی بنائے۔

ایڈیشنل سیشن جج طاہر عباس سپرا نے مقدمے کی سماعت کی۔

شہبازگل کے وکیل نے آج کی حاضری کی استثنا کی درخواست دیتے ہوئے مؤقف اپنایا کہ شہباز گل بیمار ہیں اور سفر نہیں کرسکتے، حاضری سے استثنا کی درخواست منظور کی جائے۔

جج نے ریمارکس دیے کہ آخری موقع دے رہا ہوں آئندہ سماعت پر ملزم اپنی حاضری یقینی بنائے۔

عدالت نے حاضری سے استثنا کی درخواست منظور کرتے ہوئے سماعت 7 نومبر تک ملتوی کردی۔