رائے ونڈ میں عالمی اجتماع کا پہلا مرحلہ شروع ہوگیا جس میں شرکت کے لئے پاکستان سمیت دنیا بھر سے لاکھوں افراد اجتماع گاہ پہنچ گئے ہیں۔

رائے ونڈ میں شروع ہونے والے عالمی اجتماع کے موقع پر ریلوئے حکام کی جانب سے سخت سیکورٹی انتظامات کردئیے گئے ہیں۔

اجتماع میں آنے والوں کی سہولت کے لئے 2 شٹل ٹرینیں چلائی جائیں گی اور اضافی بکنگ اسٹاف بھی تعینات کردیا گیا ہے۔

اس کے علاوہ بم ڈسپوزل عملہ بھی تعینات کردیا گیا ہے جبکہ صفائی ستھرائی کے نظام کو بہتر بنادیا گیا ہے۔

رائے ونڈ اجتماع میں ریل گاڑیوں کے ذریعے 2 لاکھ سے زائد افراد کی شرکت متوقع ہے۔