گرینڈ ڈیموکریٹک الائنس (جی ڈی اے) کے رہنما عرفان مروت کا کہنا ہے کہ جی ڈی اے اور عمران خان میں طلاق ہوگئی ہے۔
گورنر سندھ کامران ٹیسوری سے ملاقات کے بعد میڈیا سے غیر رسمی گفتگو میں عرفان مروت نے کہا کہ عمران خان نے ایک بھی معاہدہ پورا نہیں کیا۔
ان کا کہنا تھا کہ اعظم سواتی، اعظم بستی میں رہنے والے ہیں، وہ ارب پتی کیسے بنے؟
انہوں نے مزید کہا کہ آج حکومت آرمی چیف کے نام کا اعلان کردے، سب ٹھنڈا ہو جائیگا، ایک آرمی چیف کی مقرری کی وجہ سے ملک کو اس نہج تک پہنچا دیا۔
عرفان مروت کا کہنا تھا کہ گوجرانوالہ میں عمران خان نے فوج پر ہی بات کی ہے، آرمڈ فورسز میں خامیاں ہے، اس کا مطلب یہ نہیں کہ ادارے کو بدنام کیا جائے۔
