پاکستان مسلم لیگ (ن) نے عمران خان کی ضمنی انتخابات میں کامیابی کا نوٹی فکیشن رکوانے کے لئے الیکشن کمیشن سے رجوع کرلیا۔

ن لیگی ایم این اے علی گوہر بلوچ نے الیکشن کمیشن میں درخواست جمع کرا دی ہے، جس میں کہا گیا ہے کہ عمران خان توشہ خانہ ریفرنس میں نااہل قرار دئیے گئے۔

درخواست کے متن کے مطابق عمران خان نااہلی کے بعد جاری اسمبلی کا حصہ نہیں بن سکتے، عمران خان نااہلی کے بعد الیکشن لڑنے کے اہل نہیں۔

درخواست میں استدعا کی گئی ہے الیکشن کمیشن عمران خان کی کسی نشست پر کامیابی کو نوٹفیکشن جاری نہ کرے۔