خیبرپختونخوا کے شہر ڈیرہ اسماعیل خان میں افسوسناک ٹریفک حادثے میں 4 افراد جاں بحق اور 8 زخمی ہوگئے۔

افسوسناک حادثہ ڈیرہ اسماعیل خان میں چہکان کے قریب پیش آیا جہاں مسافر گاڑی اور مزدوروں سے بھرے مزدا میں تصادم ہوگیا۔

حادثے کے نتیجے میں خاتون اور بچے سمیت 4 افراد جان کی بازی ہار گئے جبکہ 8 افراد زخمی بھی ہوئے۔

ریسکیو ذرائع کے مطابق زخمیوں اور جاں بحق افراد کو ڈی ایچ کیو اسپتال منتقل کردیا گیا۔