پاکستان تحریک انصاف (پی ٹی آئی) کے چیئرمین عمران خان لانگ مارچ میں شرکت کے لئے اپنی رہائش گاہ سے لبرٹی چوک پہنچ گئے ہیں۔
چیئرمین عمران خان لاہور سے شروع ہونے والی لانگ مارچ کی قیادت کرر ہیں۔
بتایا گیا کہ سیکورٹی کلیئرنس کے باعث عمران خان کو تاخیر ہوئی۔
پی ٹی آئی نے اپنے لانگ مارچ کا آغاز کردیا ہے، جیمرز کے باعث صحافیوں کو مشکلات کا سامنا کرنا پڑرہا ہے۔
پی ٹی آئی کا لانگ مارچ لاہور سے اسلام آباد روانگی کے لئے تیارہے جبکہ کارکن لبرٹی چوک پہنچنا شروع ہوگئے۔
لبرٹی چوک لاہور پرتحریک انصاف کے حقیقی آزادی لانگ مارچ میں کارکنان کی آمد کا سلسلہ جاری ہے جبکہ وزیر صحت پنجاب ڈاکٹر یاسمین راشد مارچ میں شریک خواتین کو متحرک کررہی ہیں۔
دوسری جانب سابق وزیر داخلہ شیخ رشید احمد کا کہنا ہے کہ آج پی ٹی آئی کا لانگ مارچ شروع ہو رہا ہے، قوم باہر نکلے گی، اللہ کی مہربانی سے لانگ مارچ ضرور کامیاب ہوگا۔
عمران خان خصوصی کنٹینر میں سفر کریں گے، پہلے روز آزادی چوک میں لانگ مارچ کا پڑاؤ ہوگا۔
اپنے ویڈیو پیغام میں عمران خان نے مزید حکمت عملی بتاتے ہوئے کہا کہ گاڑیاں پیچھے ہوں گی اور لوگ پیدل مارچ کرتے ہوئے آگے چلیں گے، آبادی سے لانگ مارچ گزرے گا لوگ پیدل چلیں گے، آئندہ جمعہ کو آزادی مارچ راولپنڈی پہنچے گا۔
