لاہور میں گذشتہ روز پراسرار طور پر لاپتہ ہوجانے والے پانچ سالہ بچے کی لاش برآمد کی گئی ہے۔
لاہور کے علاقے راوی روڈ ٹرین ٹریک کے قریب سے آج بچے کی لاش برآمد ہوئی، جس کے بعد پولیس اور فرانزک ٹیموں نے موقع پر پہنچ کر شواہد اکھٹے کرلئے ہیں۔
پولیس کا کہنا ہے کہ بچے کے گلے پر نشانات پائے گئے ہیں، تاہم موت کا تعین فرانزک رپورٹ کی روشنی میں ہوگا اور وقوعہ کی مختلف پہلووں پر تفتیش کی جاری ہے جلد ملزمان کو گرفتار کرلیا جائے گا۔
یاد رہے کہ پانچ سالہ ایان گذشتہ روز تھانہ بادامی باغ کی حدود سے لاپتہ ہوگیا تھا جس کے بعد بچے کے والد محمد ارشد کی مدعیت میں اغوا کا مقدمہ درج کیا گیا تھا۔
