چترال کے علاقے دروش میں ٹمبر کی اسمگلنگ میں ملوث پانچ گدھوں کو عدالت میں پیش کردیا گیا۔
اسسٹنٹ کمشنر دروش توصیف اللہ کی عدالت میں پیش پانچوں گدھوں کو ٹمبر اسمگلنگ کیس میں مال مقدمہ کے طور پر طلب کیا گیا تھا۔
عدالت نے یہ اطمینان کیا کہ گدھے متعلقہ حکام کی تحویل میں ہی ہیں۔
یہ بھی پڑھیں: ضلعی انتظامیہ نے چوری پرگدھے دھرلئے
اسسٹنٹ کمشنر چترال نے عدالت کو بتایا کہ گدھے حفاظت سے ہیں اور انہیں کسی کے حوالے نہیں کیا گیا۔
انہوں نے مزید کہا کہ گدھے اب دوبارہ اسمگلنگ میں استعمال نہیں ہو رہے۔
عدالتی اطمینان کے بعد گدھوں اور ٹمبر کے سلیپر کو محکمہ جنگلات کے حکام کے حوالے کر دیا گیا۔
