مسلم لیگ (ن) کی نائب صدر مریم نواز نے کہا ہے کہ عمران خان کی سزا صرف نااہلی پر ختم نہیں ہونی چاہیئے۔

سماجی رابطے کی ویب سائٹ ٹوئٹر پر جاری بیان میں مریم نواز نے الیکشن کمیشن کی جانب سے عمران خان کو نااہل قراردیے جانے کے فیصلے پر ردعمل دیتے ہوئے کہا کہ پاکستان کا پہلا سرٹیفائڈ جھوٹا اور سند یافتہ چور جو چوری کے نا قابل تردید ثبوتوں کے ساتھ نا اہل ہوا۔

انہوں نے کہا کہ میاں بیوی نے مل کر قومی خزانے کو لوٹا، جتنی بڑی چوری ہے اس کی سزا صرف نااہلی پر ختم نہیں ہونی چاہیئے۔

مریم نواز نے مزید کہا کہ عمران خان کو گرفتار کر کے قانون کے سامنے پیش کرنا چاہیئے اور لوٹا پیسہ واپس لینا چاہیئے۔