پنجاب کی تمام یونیورسٹیز میں کوئی بھی سیاسی اجتماع نہیں ہو گا، گورنر پنجاب نے پبلک سیکٹر یونیورسٹیز کے وائس چانسلرز کو مراسلہ لکھ دیا۔
گورنر پنجاب بلیغ الرحمان کی جانب سے پبلک سیکٹر یونیورسٹیز کے وائس چانسلرز کو لکھے گئے مراسلے میں کہا گیا ہے کہ یونیورسٹیز میں کوئی بھی سیاسی اجتماع نہیں ہو گا۔
تاہم کسی بھی سیاسی پارٹی سے تعلق رکھنے والے سیاستدان کی تعلیمی اداروں میں آنے پر کوئی ممانعت نہیں ہے۔
مراسلے کے متن میں یہ بھی لکھا گیا ہے کہ تعلیمی اداروں کا فورم نفرت اور سیاسی ایجنڈا کی ترویج کے لیے نہیں بلکہ صرف تعلیمی مقاصد کے لیے استعمال ہونا چاہیے۔
