کراچی کے علاقے منظورکالونی میں گھر میں بچوں پر تشدد کی وائرل وڈیو کا معاملے پر عدالت نے بچوں کے والد کی استدعا پر معاملہ نمٹا دیا۔
کراچی کی مقامی عدالت میں منظور کالونی میں گھرمیں بچوں پر تشدد سے متعلق سماعت ہوئی۔
سماعت کے دوران بچوں کے والد نے اپنے بھائی کے خلاف مقدمہ درج کروانے سے انکار کردیا۔
بچوں کے والد کا کہنا تھا کہ اپنے بھائی کیخلاف مقدمہ درج نہیں کروانا چاہتا، ویڈیو تین ماہ پرانی ہے، جس کو ایڈٹ کر کے وائرل کیا گیا۔
اس موقع پر موجود بچوں کو بھی کہنا تھا کہ اپنے چچا کیخلاف کوئی شکایت نہیں کرنا چاہتے۔
جس پر عدالت نے بچوں کے والد کی استدعا پر معاملہ نمٹا دیا۔
