پاکستان پیپلزپارٹی کے رہنما و صوبائی وزیر سعید غنی کا کہنا ہے کہ کراچی سے عمران خان کو عبرتناک شکست ہوگی، بدمعاشی اور بدتمیزی تحریک انصاف کاطرہ امتیاز ہے۔

اپنے بیان میں سعید غنی کا کہنا تھا کہ حکیم بلوچ کی یقینی فتح سے تحریک انصاف بوکھلاہٹ کا شکار ہے۔

ان کا کہنا تھا کہ بلال غفار نے شکست کے خوف سے حالات خراب کرنے کی کوشش کی۔

اس سے قبل، پاکستان تحریک انصاف (پی ٹی آئی) کے رہنما علی زیدی نے الیکشن کمیشن کو خط ارسال کردیا، جس میں پیپلز پارٹی پر دھاندلی کا الزام عائد کیا گیا ہے۔

علی زیدی نے خط میں مؤقف اختیار کیا کہ ضمنی انتخابات میں ملیر میں پیپلزپارٹی دھاندلی کر رہی ہے۔

خط میں مزید کہا گیا ہے کہ پیپلزپارٹی کے کارکنوں کی جانب سے بلال غفار پر حملہ کیا گیا ہے، حملے میں بلال غفار زخمی ہوگئے۔