سابق وزیراطلاعات ونشریات فواد چوہدری نے تحریک انصاف کے رکن صوبائی اسمبلی بلال غفار پر حملے کی مذمت کی ہے۔
سماجی رابطے کی ویب سائٹ ٹوئٹر پر جاری بیان میں فواد چوہدری نے کہا کہ تحریک انصاف کراچی کے صدر بلال غفار پر حملے کی مذمت کرتے ہیں۔
انہوں نے مزید کہا کہ پیپلز پارٹی ایک فاشسٹ جماعت ہے اور جس طرح کراچی کے بہادر لوگوں نے ایم کیوایم کی دہشت گردی کوختم کیا، اسی طرح پیپلزپارٹی کی غنڈہ گردی کو بھی سبق سکھائیں گے۔
