بالی ووڈ کی معروف اداکارہ مادھوری ڈکشت نے پاکستانی گلوکار علی ظفر کے گانے پر رقص کرنے کی ویڈیو سوشل میڈیا پر شیئر کی ہے۔
انسٹاگرام پر مادھوری ڈکشت نےعلی ظفر کے گانے سن رے سجنیا پر رقص کرنے کی ایک ویڈیو شیئر کی، جس کو مداحوں کی جانب سے بہت زیادہ پسند کیا جارہا ہے۔
دوسری جانب گلوکار علی ظفر نے بھی اپنی انسٹا اسٹوری پر مادھوری کی اس ویڈیو پر ردعمل کا اظہار کیا ہے۔
سال 2006 میں ریلیز ہونے والے علی ظفر کے میوزک البم مستی کا گانا سن رے سجنیا آج کل سوشل میڈیا پلیٹ فارمز جیسے ٹک ٹاک، اسنیک ویڈیو اور انسٹاگرام پر بہت زیادہ ٹرینڈ کررہا ہے۔
