پشاور میں ایک افسوس ناک واقعہ پیش آیا جہاں مالکن کا تنخواہ نا بڑھانا اُس کی جان لینے کا سبب بن گیا۔

واقع پشاور کے علاقے حیات آباد فیز3 میں پیش آیا جہاں گھر پر موجود ملازم آصف نے 65 سالہ مالکن سے تنخواہ بڑھانے کے لئے کہا جس پر مالکن نے انکار کردیا۔

ملزم کو مالکن کی بات سُن کر طیش آگیا اور اُس نے کچن سے چھُری اٹھائی، پہلے بوڑھی مالکن کو سیڑھیوں سے دھکا دیا بعد میں چھریوں کے وار کرکے بے رحمی سے قتل کردیا۔

پولیس نے ملزم کو جائے وقوع سے گرفتار کر لیا جبکہ مقتولہ کے شوہر منور ریاض کی مدعیت میں ایف آئی آر درج کرکے تحقیقات کا آغاز کر دیا۔