وزیر خزانہ اسحاق ڈار کا آج واشنگٹن کیلئے روانہ ہونے کا امکان ہے۔

اسحاق ڈار عالمی مالیاتی فنڈ اور ورلڈ بینک کے اجلاس اور بریٹن ووڈ انسٹی ٹیوشنز کی سالانہ میٹنگ میں شرکت کریں گے۔

ذرائع کے مطابق اسحاق ڈار کی جانب سے آئی ایم ایف اور عالمی بینک سے اہداف پر نظر ثانی کی باضابطہ درخواست متوقع ہے۔

پاکستان رواں مالی سال میکرو اکنامک فریم ورک پر نظرثانی کی باضابطہ درخواست بھی کرے گا۔

بجٹ خسارے اور کرنٹ اکاؤنٹ خسارے کے اہداف میں نرمی کی درخواست کی جائے گی، ساتھ ہی آئی ایم ایف سے شرائط نرم کرنے کی درخواست بھی کی جائے گی۔

پیٹرولیم لیوی اورایف پی اے منجمد کرنے کے بارے میں بھی آئی ایم ایف سے بات متوقع ہے۔