خانیوال کے نواحی علاقہ عبدالحکیم میں پنجاب حکومت کا نعرہ ”پڑھو پنجاب بڑھو پنجاب“ ہوا میں اڑا دیا گیا۔ سرکاری اسکولوں کو حکومت کی جانب سے مفت دی جانے والی کتابیں اور اسکول کا فرنیچر سرعام کباڑیوں کو بکنے لگا۔

ہیڈ ماسٹر گورنمنٹ ہائی اسکول شہادت کندلہ محمد اقبال سرکاری کتابوں کے سینکڑوں بنڈل اور پرانے فرنیچرسے بھرا لوڈر رکشہ عبدالحکیم کباڑ کی دکان پر فروخت کر رہا تھا۔

میڈیا ٹیم کے پہنچتے ہی ہیڈ ماسٹر موقع سے فرار ہوگیا، پولیسں تھانہ عبدالحکیم نے کتابوں سے بھرا لوڈر اپنی تحویل میں لے لیا۔

سرکاری اسکولوں میں سرکاری کتابوں کا یوں ردی کی دکانوں پر سرعام بکنا محکمہ ایجوکیشن اور ضلعی انتظامیہ خانیوال کے لئے لمحہ فکریہ ہے۔

اگر ایسے پڑھے گا پنجاب تو کیسے بڑھے گا پنجاب۔