بلوچستان کے علاقے قلات میں سیلاب متاثرین کی امداد کرنے والوں کی گاڑی میں نصب بم پھٹنے سے دو افراد جاں بحق ہوگئے۔

گاڑی قلات سے جوہان امدادی سامان پہنچانے کے بعد واپس آرہی تھی کہ نصب کیا گیا بم پھٹ گیا۔

واقعے کے بعد لیویز اور دیگر قانون نافذ کرنے والے ادارے جائے وقوعہ پرپہنچ گئے۔

صوبائی مشیر داخلہ ضیاء لانگو نے بم دھماکے میں دو افراد کے جاں بحق ہونے کی مذمت کرتے ہوئے ڈپٹی کمشنر قلات سے واقعے کی رپورٹ طلب کرلی۔

مشیرداخلہ کا کہنا ہے کہ قلات کےعوام کو اکیلا نہیں چھوڑیں گے، دشمنوں کے خلاف کارروائی کی جائے گی۔