انڈونیشیا میں اسٹیڈیم میں دونوں ٹیموں کے حامی آپس میں بھڑ گئے، فٹبال میچ کے بعد ہونے والی ہنگامہ آرائی اور بھگدڑ میں 174 افراد جاں بحق اور متعدد زخمی ہوگئے، انڈونیشین صدر نے تحقیقات کا حکم دے دیا۔

انڈونیشین پولیس کے مطابق تشدد اور دم گھٹنے سے 170 سے زائد افراد جاں بحق اور سیکڑوں زخمی ہوگئے۔ واقعہ صوبے مشرقی جاوا کےشہرملانگ میں پیش آیا۔

پرسی بایا نےدوکے مقابلے میں تین گول سے میچ اپنے نام کیا۔ جس پراریما اورپرسی بایا ٹیم کے حامیوں میں جھڑپیں ہوئیں۔

ہارنے والی ٹیم کے حامی میدان میں گھسے اور گراؤنڈ میں موجود تماشائیوں پر دھاوا بول دیا۔ پولیس نے فائرنگ اور آنسو گیس کے شیل برسائے۔

واقعے کے بعد ملانگ کے متعدد مقامات پر بھی مظاہرے جاری ہیں۔

انڈونیشین وزیر کھیل نے واقعے پر اظہارِ افسوس کرتے ہوئے ایک ہفتے کے لیے میچوں کو معطل کردیا۔