بھارتی ماہی گیروں کو پاکستان میں مچھلیوں کا شکارکرتے ہوئے گرفتار کرلیا گیا۔
پاکستان میری ٹائم سیکیورٹی ایجنسی نے کھلے سمندر میں کاروائی کرتے ہوئے 16 بھارتی ماہی گیروں کو گرفتار کرکے ڈاکس پولیس کے حوالے کردیا، ساتھ ہی ان کی دو کشتیوں کو بھی قبضے میں لےلیا۔
پی ایم ایس اے ترجمان کا کہنا ہے کہ بھارتی ماہی گیرغیرقانونی شکار کررہے تھے تاہم گرفتاری میری ٹائم سیکیورٹی کے جہاز نے پاکستان کے سمندری علاقوں میں معمول کی نگرانی کے دوران کی۔
ترجمان نے کہا کہ ماہی گیروں کی گرفتاری پاکستانی قانون اور سمندر میں اقوام متحدہ کے کنونشن کی خلاف ورزی پر کی گئیں۔
ابتدائی تفتیش کے بعد کشتیوں کو کراچی لایا گیا اور پکڑے گئے ماہی گیروں کو مزید قانونی کارروائی کے لیے ڈاکس پولیس کے حوالے کر دیا۔
