گزشتہ روز لاہورکے قذافی اسٹیڈیم میں پاکستان اور انگلینڈ کے درمیان کھیلے جانے والے پانچویں ٹی 20 میچ میں دلچسپ صورتحال دیکھنے میں آئی، شاداب خان کی اپیل پرکان نہ دھرنے والے مایہ نازامپائرعلیم خان کے خلاف گرین شرٹس نے مقدمہ تھرڈ امپائرکے سامنے رکھ دیا۔
سات میچزپرمشتمل اس سیریزکے 5ویں میچ میں انگلینڈ کی جانب سے ایک بار پھر پاکستان کو پہلے بیٹنگ کی دعوت ملی، وکٹ کیپر بلے باز محمد رضوان نے ذمہ داری کا مظاہرہ دکھاتے ہوئے 46 گیندوں پر 63 رنز کی شانداراننگزکھیلی۔ لیکن پھرکوئی ٹک نہ سکا اورانگلش بالرزکی شارٹ بالز پرپاکستان کی ایک کے بعد ایک وکٹ گرتی چلی گئی۔
مقررہ 20 اوورزپورے نہ کھیلتے ہوئے 19 ویں اوورمیں ڈھیر ہونے کے بعد گرین شرٹس نے145 رنزکا ہدف دیا تو اس چھوٹے اسکور کے دفاع کی ذمہ داری بالرز کے کندھوں پرآ ٹھہری۔
انگلش ٹیم کے ٹاپ آرڈر کو تہس نہس کرتے ہوئے 31 رنز پر 3 وکٹوں کے بعد انگلینڈ کے بلے بازوں نے کچھ مزاحمت کی لیکن 51کے اسکور پرشاداب نے ہیری بروک کو گیند کروائی جو ان کے پیڈ پرلگی۔
شاداب نے آؤٹ کی اپیل کی لیکن جب علیم ڈار نے ہیری بروک کوآؤٹ قرار نہ دیا تو کپتان بابراعظم نے تھرڈ امپائرسے ریویو لینے کی درخواست کی جس کے نتیجے میں پاکستان کو اہم کامیابی حاصل ہوئی۔
Great review to get the big wicket of Harry Brook 🎯#PAKvENG | #UKSePK pic.twitter.com/MT6u9dJxob
— Pakistan Cricket (@TheRealPCB) September 28, 2022
تھرڈ امپائرنے ہیری بروک آؤٹ کو پویلین واپس بھیجنے کا فیصلہ دیا اور یوں شاداب نے دنیا کے بہترین امپائرمانے جانے والے علیم ڈار کو غلط ثابت کردیا۔
علیم ڈار کی انگلی اٹھتے ہی شائقین کا جوش وخروش دیکھنے لائق تھا، سوشل میڈیا صارفین نے بھی صورتحال سے محظوظ ہوتے ہوئے دلچسپ تبصرے کیے لیکن یہ سبھی کا ماننا تھا کہ علیم ڈار انتہائی شفاف ریکارڈ رکھتے ہیں۔
Love to see shaddy picking wickets and offcourse with descion of Aleem dar overturned❤ pic.twitter.com/riseeWWJvf
— Junaid (@beingBA56) September 28, 2022
Sorry Aleem Dar . It’s Shadab Who Reversed Your Decision!! pic.twitter.com/okbH1NfqWs
— 𝐂𝐫𝐢𝐜 𝐕𝐢𝐛𝐞𝐬𝐬 🇵🇰✨ (@Cric_vibes) September 28, 2022
Shadab khan going against Aleem Dar!!.
— Sana Ullah 🇵🇰 (@iamsk456) September 28, 2022
CT17 vibes... Some serious Confidence Man ❤.#PakvsEng2022 pic.twitter.com/HNs2pSMyhX
ایک صارف نے تو لکھ ڈالاکہ انہیں یاد نہیں کہ علیم خان کا فیصلہ آخری بار کب غلط ثابت ہوا تھا۔
Shadab you beauty 😍..... I Don't remember the last time Aleem Dar's decision was reversed. pic.twitter.com/0FJ9hOU9z8
— عبدلھادی💫 (@haadddiiiiiii) September 29, 2022
131 رنز پر 7وکٹیں گرنے کے بعد انگلینڈ کو 6 گیندوں پر 15رنزدرکار تھے جب کپتان بابراعظم نے ڈیبیو کرنے والے عامرجمال سے آخری اوورکروایا جنہوں نے اپنی سلیکشن درست ثابت کی۔
اسٹرائیک پرمعین علی تھے جو اپنی جارحانہ بیٹنگ کی وجہ سے جانے جاتے ہیں،انگلش کپتان نے جیت کے لیے سر توڑ کوشش کی چھکے اور چوکے بھی لگائے لیکن وہ بھی اپنی ٹیم کو جیت نہ دلواسکے اور یوں ان کی 37 گیندوں پر 51رنز کی اننگز رائیگاں گئی۔
پاکستان نے یہ میچ 6رنز سے جیت کر سیریز میں 2-3کی برتری حاصل کرلی ہے۔
