بنگلہ دیش میں اتوار کے روز ہندو یاتریوں سے بھری کشتی ڈوبنے سے25 افراد ہلاک اور متعدد افراد لاپتہ ہوگئے۔

غیرملکی خبر رساں ایجسنی کے مطابق شمالی پنچ گڑھ کے ضلعی منتظم احرار الاسلام کا کہنا تھا کہ جہاں واقعہ پیش آیا وہاں سے اب تک12 خواتین سمیت 8 بچوں کی لاشیں برآمد کرلی گئیں ہیں۔

انہوں نے کہا کہ لاپتہ یاتریوں کے لیے ریسکیوآپریشن جارہا ہے، مزید کہا کہ کشتی میں سوار افراد مذہبی تہوارکے موقع پرمندرجارہے تھے۔

ضلعی منتظم نے کہا کہ انہیں لاپتہ افراد کی درست تعداد کا علم نہیں ہے تاہم مسافروں کا کہنا ہے کہ ڈوبنے والی کشتی پر 70 سے زائد افراد سوار تھے۔

پولیس نے بتایا کہ تقریباً 20 افراد اب بھی لاپتہ ہیں جبکہ کچھ مسافر تیر کر ساحل پر پہنچنے میں کامیاب ہو گئے۔