ملکی تبادلہ منڈیوں میں ڈالر کے بھاؤ میں تیزی سے اضافے کا سلسلہ جاری ہے۔

اسٹیٹ بیبنک کے مطابق جمعرات کے روز انٹر بینک میں 1 روپے 56 پیسے اضافے کے بعد ڈالر 235 روپے 88 پیسے کی بلند سطح پر بند ہوا ہے۔

کاروباری ہفتے کے ابتدائی چار دنوں میں ڈالر کی قدر میں 7 روپے 70 پیسے کا واضح اضافہ ہوا ہے جب کہ اوپن مارکیٹ میں امریکی کرنسی کی قیمت فروخت 240 روپے ہے۔

رواں ماہ کے دوران انٹربینک میں ڈالر کی قیمت میں اب تک 17 روپے 28 پیسے اضافہ ہوا ہے۔

خیال رہے کہ گزشتہ روز انٹربینک میں 2 روپے 40 پیسے اضافے کے بعد ڈالر کی قیمت 234 روپے 32 پیسے ریکارڈ کی گئی تھی۔