اینٹی کرپشن پنجاب نے پی ٹی آئی کی رہنما شیریں مزاری پر درج مقدمہ خارج کردیا، شیریں مزاری پر ڈی جی خان میں اراضی کا ریکارڈ غائب کرنے پر مقدمہ درج کیا گیا تھا۔
سابق وزیر اعلی پنجاب حمزہ شہباز شریف کے دور میں پی ٹی آئی کی رہنما شیریں مزاری پر لینڈ ریفارمز کے تحت اراضی واپس نہ کرنے پر اینٹی کرپشن میں مقدمہ درج کیا گیا تھا اور اس مقدمے میں اینٹی کرپشن نے انہیں گرفتار بھی کیا تھا۔
تاہم حکومت کی تبدیلی کے بعد انکوائری میں شیریں مزاری پر لگائے گئے الزامات ثابت نہ ہوسکے جس کے بعد ان پر قائم مقدمہ خارج کرنے کے احکامات جاری کردیئے گئے ہیں۔
