گزشتہ روز پاکستان اور سری لنکا کے درمیان کھیلے گئے ایشیا کپ ٹی ٹوئنٹی 2022 کے فائنل کے دوران بھارتی شائقین نے دعویٰ کیا کہ انہیں میچ نہیں دیکھنے دیا گیا اور اسٹیڈیم سے باہر نکال دیا گیا۔
دبئی میں ہونے والے میچ کا اختتام پاکستان کی شکست پر ہوا اور سری لنکا چھٹی بار ایشیا کپ کا فاتح قرار پایا۔
لیکن اس دوران ایک مبینہ تنازع بھی دیکھنے میں آیا، جس کی ویڈیو سوشل میڈیا پر وائرل ہو رہی ہے۔
بھارتی شائقین نے دعویٰ کیا کہ انہیں میچ کے دوران اسٹیڈیم سے باہر نکال دیا گیا، کیونکہ انہوں نے “ٹیم انڈیا” کی جرسی پہن رکھی تھی۔
“دی بھارت آرمی” نامی ایک ٹوئٹر ہینڈل سے انٹرنیشنل کرکٹ کونسل (آئی سی سی) اور ایشیا کرکٹ کونسل (اے سی سی) کو ٹیگ کرتے ہوئے کہا گیا کہ ہم آپ سے تحقیقات کی درخواست کرتے ہیں، کیونکہ ہمارے ساتھیوں نے بھارت سے یہاں تک کا طویل سفر میچ دیکھنے کیلئے طے کیا ہے، اور اب انہیں مقامی حکام اور پولیس نے بتایا کہ وہ اسٹیڈیم میں داخل نہیں ہو سکتے۔
The @icc & @ACCMedia1 we urge you to investigate as our members travelled all they way from India to watch the #AsiaCup2022 and have been told they can’t enter the stadium by local officials and the police! Absolutely shocking treatment!#BharatArmy #PAKvSL
— The Bharat Army (@thebharatarmy) September 11, 2022
ویڈیو میں لوگوں نے دعویٰ کیا کہ کہ اسٹیڈیم میں موجود اہلکار ان سے “گو انڈیا” اور “گو بیک” جیسی باتیں کر رہے تھے اور انہیں دھکے بھی دے رہے تھے۔
😡 SHOCKING TREATMENT as The Bharat Army and other Indian Cricket Fans told they can not enter the stadium wearing ‘India jerseys’! #BharatArmy #PAKvSL pic.twitter.com/5zORYZBcOy
— The Bharat Army (@thebharatarmy) September 11, 2022
میچ دیکھنے کیلئے پہنچنے والے بھارتی شائقین کا کہنا تھا کہ ہمیں اس کی کوئی ٹھوس وجہ نہیں بتائی گئی۔ ہمیں اس بارے میں کوئی معلومات نہیں دی گئیں۔ ہم گھر سے دور ہیں، ایسے میں ہم جلدی جلدی کپڑے بدل کر بھی نہیں آ سکتے۔
خیال رہے کہ بھارتیوں کی ایک بڑی تعداد متحدہ عرب امارات میں مقیم ہے اور وہ میچ کے دوران اپنی ٹیم کو سپورٹ کرنے کے لئے اسٹیڈیم آتے ہیں، لیکن موجودہ سیزن میں انڈین ٹیم سپر-4 سے آگے نہیں بڑھ سکی۔
