پشاور: نامعلوم افراد نے گاڑی پرفائرنگ کرکے 4 خواجہ سراؤں کو زخمی کردیا۔

تھانہ پہاڑی پورہ کے علاقے کبوترچوک میں نامعلوم ملزمان نے صبح سویرے فائرنگ کرکے گاڑی میں سوار4 خواجہ سراؤں کو ذخمی کردیا۔

فائرنگ کے نتیجے میں زخمی ہونے والے خواجہ سراؤں کو طبی امداد کے لیے لیڈی ریڈنگ ہسپتال منتقل کردیا گیا، جن میں امجد علی، ظہور، شایان اور ڈولفن شامل ہیں۔

خواجہ سراء محفل موسیقی سے واپس جارہے تھے جس دوران نامعلوم افراد فائرنگ کرنے کے بعد فرار ہوگئے، جبکہ پولیس نے ایف آئی آر درج کرکے ملزمان کی تلاش شروع کردی۔

غیرسرکاری تنظیم کے مطابق خواجہ سراؤں پرتشدد کے واقعات میں پیسے کی لین دین سب سے بڑی وجہ ہوتی ہے۔