پاکستانی گلوکار علی ظفر نے بگ باس سے شہرت حاصل کرنے والی شہناز گل کو بھی میوزک ویڈیو میں اپنے ساتھ کام کرنے کی آفردے دی۔

کینڈین ایف ایم کو انٹرویو کے دوران پاکستان کے نامور گلوکار علی ظفر نے کہا کہ اگر شہناز گل چاہیں تو وہ اپنے اگلے میوزک ویڈیو میں ان کے ساتھ کام کرنا چاہیں گے۔

شاہ خان کے ساتھ کام کرنے کے حوالے سے سوال پر انہوں نے کہا کہ ہم ساتھ کام نہ کریں تو ہی بہتر ہے ۔

علی ظفر سے پوچھا گیا کہ وہ رنویر سنگھ کے حوالے سے کیا کہیں گے جس پرگلوکار علی ظفر نے کہا کہ رنویر سنگھ ایک فن انسان ہیں وہ ہر وقت پھدکتے رہتے ہیں ۔

کچھ عرصہ قبل بالی ووڈ میں پاکستانی فنکاروں کی ڈیمانڈ کافی بڑھ گئی تھی لیکن 2019 میں ہوئے پلوامہ حملے کے بعد ہندوستان اور پاکستان کے درمیان کشیدگی بڑھ گئی تھی اس کا اثر انٹرٹینمنٹ کی دنیا پر بھی پڑا تھا ۔