چیئرمین پی ٹی آئی عمران خان نے ایک بارپھراپنے مزید خطرناک ہوجانے کا اشارہ دیا ہے۔

عمران خان خاتون جج کو دھمکی دینے سے متعلق توہین عدالت کیس میں اسلام آباد ہائیکورٹ میں پیش ہوئے۔

کمرہ عدالت میں جانے سے قبل غیررسمی گفتگومیں صحافیوں کے سوالات کے جوابات دیتے ہوئے عمران خان نے کہا کہ جیل میں جا کر اور خطرناک ہوجاؤں گا۔

حکومت کی جانب سے عمران خان کی گرفتاری کا منصوبہ بنانے سے متعلق سوال کے جواب میں چیئرمین پی ٹی آئی نے کہا کہ، “ وہ بہت پہلے سے بنارہی ہے“۔

سابق وزیراعظم کا کہناتھا کہ اتنی پولیس زندگی میں پہلی بار دیکھی ہے، ایسا لگ رہا ہے ہے کہ عدالت میں کلبھوشن آرہا ہے،مجھے عدالت آتے آتے بھی 15 منٹ لگ گئے ہیں۔