پاک فوج نے سیلاب متاثرین سے اظہار یکجہتی یوم دفاع وشہداکی مرکزی تقریب ملتوی کردی۔
پاکستان کے سیلاب متاثرین کے ساتھ اظہار یکجہتی کے لیے پاک فوج کی جانب سے اہم فیصلہ کرلیا گیا۔
سماجی رابطے کی ویب سائٹ ٹوئٹر پرجاری بیان میں ڈی جی آئی ایس پی آر میجر جنرل بابر افتخار نے بتایا کہ 6 ستمبرکو یوم دفاع اور شہدا کے حوالے سے راولپنڈی کے جنرل ہیڈ کوارٹرز (جی ایچ کیو) میں ہونے والی مرکزی تقریب ملتوی کردی گئی ہے۔
In solidarity with the flood affected people of Pakistan, central ceremony at GHQ to commemorate Defence & Martyrs Day on 6 September has been postponed.
— DG ISPR (@OfficialDGISPR) August 31, 2022
Pakistan Armed Forces shall continue serving our brothers and sisters struck by unprecedented floods.
ڈی جی آئی ایس پی آر کا کہنا ہے کہ پاکستان کی مسلح افواج غیر معمولی سیلاب سے متاثرہ بہن بھائیوں کی خدمت جاری رکھے گی۔
واضح رہے کہ ہر سال 6 ستمبر کو یوم دفاع و شہدا منایا جاتا ہے جس کی مرکزی تقریب جی ایچ کیو میں ہوتی ہے، مرکزی تقریب میں شہدا کے خاندان بھی شریک ہوتے ہیں۔
