چیئرمین پاکستان تحریک انصاف اورسابق وزیراعظم عمران خان نے سیلاب زدگان کے لیے انٹرنیشنل ٹیلی تھون میں 500 کروڑ سے زائد کے عطیات اکٹھے کرلیے۔
ملکی اور بیرون ملک مقیم پاکستانیوں سے فنڈز اکٹھا کرنے کے لیے منعقد کی جانے والی اس 3 گھنٹےسے زائد ٹیلی تھون کی نظامت فیصل جاوید خان نے کی۔
پی ٹی آئی سوشل میڈیا اکاؤنٹس کے مطابق ٹیلی تھون کے دوران ملک بھرکے سیلاب متاثرین کے لیے 500 کروڑ روپے سے زائدکے عطیات دینے کا اعلان کیا گیا جس کے بعد رقوم بھیجے جانے کے سلسلے کا بھی آغاز کردیا گیاہے۔
پاکستانی عوام کا اپنے کپتان پر بھرپور اعتبار تین گھنٹوں میں 500 کروڑ سے زائد کی رقم سیلاب متاثرین کی مدد کے لیے پلیج کر دی۔#TelethonByImranKhan #عمران_خان_ہماری_ریڈ_لائن pic.twitter.com/LuUxrFPKbP
— PTI (@PTIofficial) August 29, 2022
ٹیلی تھون میں وزرائے اعلیٰ پنجاب اورخیبرپختونخوا چوہدری پرویزالٰہی اورمحمود خان، عمران خان کی سابق معاون برائے سماجی تحفظ ثانیہ نشتر، ماریہ بی، عتقیہ اوڈھو، شفائ یوسفزئی سمیت دیگرشریک تھے۔
Dr @SaniaNishtar talks about how funds will be distributed! #TelethonByImranKhan #عمران_خان_ٹیلی_تھون_مہم pic.twitter.com/6RAhlITOOd
— PTI (@PTIofficial) August 29, 2022
عمران خان کی جانب سے سیلاب زدگان کی مدد کیلئے اس ٹرانسمیشن میں دنیا بھر سے پاکستانیوں نے کال کر کے بڑے بڑے عطیات دینے کا وعدہ کیا، پاکستانی نژاد برطانوی باکسرعامرخان نے بھی ٹیلی تھون میں اپنی جانب سے 50 لاکھ روپے کی امداد کا اعلان کیا۔
گزشتہ روز عمران خان کی لائیور تقاریرپرعائد پابندی ہٹائے جانے کے بعد اس لائیو ٹیلی تھون سے کیے جانے والے ان کے خطاب کو متعدد ٹی وی چینلز نے براہ راست نشرکیا۔
عمران خان نے اپنے خطاب میں کہا کہ مون سون بارشوں سے آنے والے سیلاب کے باعث پورا پاکستان متاثر ہوا، تباہ کن سیلاب سے ایک ہزار سے زائد اموات ہوئیں۔
“InshAllah I will work with all my efforts in this flood situation for my country!”-@ImranKhanPTI #عمران_خان_ٹیلی_تھون_مہم #TelethonByImranKhan pic.twitter.com/YCt3JyJ964
— PTI (@PTIofficial) August 29, 2022
ٹیلی تھون میں مولانا طارق جمیل نے خصوصی دعا بھی کی۔
ممتاز عالمِ دین مولانا طارق جمیل صاحب کی ٹیلی تھون میں خصوصی شرکت اور دعا۔ #عمران_خان_ٹیلی_تھون_مہم #TelethonByImranKhan pic.twitter.com/PYlRg0Mw4J
— PTI (@PTIofficial) August 29, 2022
انہوں نے کہا کہ مستقبل میں اس طرح کی تباہی سے بچانے کے لیے ملک میں مزید ڈیم بنانا ہوں گے، سیلاب سے ہونے والی تباہی سے بچنے کا واحد حل ڈیموں کی تعمیر ہے۔
چیئرمین پی ٹی آئی کے مطابق وہ سیلاب زدگان کی مدد کے ساتھ ساتھ ملک میں حقیقی آزادی کی جد جہد بھی جاری رکھیں گے۔
-Shoutout to the amazing team that provided technical & logistical support to make today’s historic telethon successful. Collected Rs. 500+ crore in 3 hours for those effected by the floods! 🇵🇰@RabiaaMalikPK @DuraniIftikhar @FaisalJavedKhan pic.twitter.com/mcNTDepyES
— Surkhel Yousafzai (@Surkhel1) August 29, 2022
ٹیلی تھون ٹرانسمیشن کے بعد فیصل جاوید نے اسے تاریخی کامیابی قراردیتے ہوئے تکنیکی ٹیم کو سراہا۔
