لاہور میں مسلم لیگ (ن) کے قائد نوازشریف اور ان کی بیٹی مریم نواز سمیت دیگر کے خلاف فوج مخالف بیانات پر مقدمے کی درخواست جمع کروادی گئی جبکہ درخواست قانونی کارروائی کے لیے ڈی ایس پی کو بھجوا دی گئی۔
لاہور کے تھانہ گرین ٹاؤن میں پی ٹی آئی کے جنرل کونسلر ایڈووکیٹ جمیل سلیم کی جانب سے سابق وزیراعظم نواز شریف کی فوج کے سربراہ کے خلاف متنازعہ بیان دینے اور مریم نواز کی فوج مخالف نعرے بازی کرنے کے خلاف درخواست جمع کروائی گئی۔
درخواست میں مسلم لیگ (ن) کے رہنما خواجہ آصف، سردار ایاز صادق اور پرویز رشید کے نام بھی شامل کیے گئے ہیں۔
درخواست میں مؤقف اختیار کیا گیا کہ نواز شریف نے حساس ادارے کے سربراہ کے خلاف نازیبا زبان استعمال کر کے دشمن قوتوں کو خوش کیا اور مریم نواز نے فوج مخالف نعرے بازی بھی کروائی۔
درخواست کے متن کے مطابق خواجہ آصف، سردار ایاز صادق اور پرویز رشید نے بھی پاک فوج کے سپہ سالار کے خلاف متنازعہ بیان بازی کی تھی۔
درخواست گزار نے ملزمان کے خلاف مقدمہ درج کرکے قانونی کارروائی عمل میں لانے کی استدعا کی ہے۔
نوازشریف نے شہباز شریف سے متعلق بیانات کو غلط اور بے بنیاد قرار دے دیا
دوسری جانب سابق وزیراعظم نوازشریف نے وزیراعظم شہبازشریف سے متعلق باینات کو غلط اور بے بنا د قرار دے دیا ۔
سماجی رابطے کی ویب سائٹ ٹوئٹر پر اپنے پیغام میں نواز شریف نے کہا کہ وزیر اعظم شہباز شریف کے بارے میں مجھ سے منسوب منفی تبصرے گمراہ کن اور غلط ہیں۔
The negative comments attributed to me about PM Shahbaz Sharif are misleading and incorrect. I remain hopeful that the sincere and tireless efforts by SS under the most challenging circumstances will bear fruit and he will steer the country out of the mess created by Imran Khan.
— Nawaz Sharif (@NawazSharifMNS) August 25, 2022
انہوں نے کہا کہ مجھے امید ہے کہ انتہائی مشکل حالات میں شہباز شریف کی مخلصانہ اور انتھک کوششیں ثمر آور ہوں گی اور وہ ملک کو عمران خان کے پیدا کردہ بحران سے نکال لیں گے۔
