بھارتی گلوکار بی پراک نے سوشل میڈیا پر مشہور ہونے والے پاکستان کے ننھے گلوکار عرشمان نعیم کی آواز کی تعریف کی ہے۔

عرشمان نعیم کا تعلق پنجاب کے شہر اوکاڑہ سے ہے جس نے بھارتی گلوکار بی پراک کے گیت من بھریا کو گا کر ویڈیو سوشل میڈیا پر پوسٹ جو دیکھتے ہی دیکھتے وائرل ہوگئی ۔

جس کے بعد بھارتی گلوکار اپنے سوشل میڈیا اکاؤنٹ سے عرشمان نعیم کو مخاطب کرتے ہوئے پوسٹ کی کہ عرشمان کی آواز بہت ہی کمال کی ہے، یہ قسم کھا کر کہہ سکتا ہوں ، آپ کی خوبصورت آواز کے باعث آپ کا مستقبل تابناک ہوگا۔

بھارتی گلوکار نے کہا کہ میری خواہش ہے کہ عرشمان نعیم کی آواز ریکارڈ کر لوں۔

واضح رہے کہ اس سے قبل سجل علی نے عرشمان کی گلوکاری کی ویڈیو شیئر کی اور ساتھ ہی ان کی خوب تعریف بھی کی۔