بالی ووڈ اداکارامیتابھ بچن دو سال بعد ایک بار پھرعالمی وبا کرونا کی لپیٹ میں آگئے ہیں۔
سوشل میڈیا پرمتحرک رہنے والے امیتابھ بچن نے مداحوں کو اپنی ٹویٹ میں اس بات کی اطلاع دی۔
T 4388 - I have just tested CoViD + positive .. all those that have been in my vicinity and around me, please get yourself checked and tested also .. 🙏
— Amitabh Bachchan (@SrBachchan) August 23, 2022
بالی ووڈ لیجنڈ نے درخواست کی کہ جو لوگ مجھ سے قریب رہے یا جنہوں مجھ سے ملاقات کی ان سے درخواست کی جاتی ہے کہ براہ کرم اپنا ٹیسٹ کروالیں۔
تاہم امیتابھ بچن کی جانب سے یہ نہیں بتایا گیا کہ وہ اسپتال میں ہیں یا گھرپرہی قرنطینہ کررہے ہیں۔
اداکار اس سے قبل جولائی 2020 میں بھی کرونا کا شکار ہوچکے ہیں اور تب انہیں ممبئی کے لیلا وتی اسپتال میں زیرعلاج رکھا گیا تھا۔
T 3590 -I have tested CoviD positive .. shifted to Hospital .. hospital informing authorities .. family and staff undergone tests , results awaited ..
— Amitabh Bachchan (@SrBachchan) July 11, 2020
All that have been in close proximity to me in the last 10 days are requested to please get themselves tested !
امیتابھ بچن کے علاوہ ان کے بیٹے اداکارابھیشیک بچن، بہو اداکارہ ایشوریہ رائے بچن اور پوتی آرادھیا بچن کا بھی ٹیسٹ مثبت آیا تھا۔
اداکار کی آنے والی فلموں میں ایان مکھرجی کی “براہمسترا پارٹ ون: شیوا”، وکاس بہل کی “گڈ بائے”، “اونچائی” اور “پروجیکٹ”شامل ہیں۔
