پاکستان تحریک انصاف کے اسیررہنما شہباز گل کی مزید ویڈیوز سامنے آئی ہیں جس میں ڈاکٹرزکا پوراپینل ان سے کھانے پینے کی درخواست کررہا ہے.
ویڈیو میں شہبازگل کو ناشتہ کروانے میں مصروف ڈاکٹران کے گصے کا بھی شکار ہیں۔
پی ٹی آئی رہنما بشمکل جوس پینے اوردلیہ کھانے پرآمادہ ہوتے ہوئےبار بار یہ واضح کررہے ہیں کہ وہ یہ سب بطور احتجاج کھاپی رہے ہیں۔
پمز اسپتال میں شہباز گل ڈاکٹروں سے تکرار کرتے ہوئے۔ #ShahbazGill pic.twitter.com/iIjIkqoQHV
— Aaj News (@Aaj_Urdu) August 22, 2022
شہباز گل نے بلا اجازت اپنی شیو کردیے جانے کا بھی شکوہ کیا اور کہا کہ وہ شوگرکے مریض ہیں ، جوس نہیں پی سکتے۔
ایک اورویڈیو میں شہبازگل کو طبی عملے اور ڈاکٹرزسے درخواست کرتے سُنا جاسکتا ہے کہ آپ جوس پی لیں۔
بار باراصرار کے بعد جوس پینے والے شہباز گل قدرے جھنجھلائے ہوئے نظرآرہے ہیں تاہم ڈاکٹرزانہیں کہتے ہیں کہ یہ ختم کرلیں پھر ہم کچھ نہیں کہیں گے۔
قدرے بحث اور تکرار کے دوران شہبازگل کو یہ کہتے بھی سنا جاسکتا ہے کہ ، "اس طریقے سے کرتے ہیں آپ لوگ"۔ ڈاکٹرز ان سے کہتے ہیں کہ آپ کی صحت کے لیے یہ بہت ضروری ہے۔
پمزسے شہبازگل کی ایک اور ویڈیوسامنے آگئی pic.twitter.com/gS0IWFXhSL
— Aaj News (@Aaj_Urdu) August 22, 2022
اس سے قبل بھی شہباز گل کی چند ویڈیوز سامنے آچکی ہیں جن میں سے ایک مین وہ اسپتال عملے سے کچح کھانے کے لیے مانگ رہے ہیں اور مٹن کے ہیے پوچھںے پرکہتے ہیں کہ کچھ بھی لادو۔
اسپتال ذرائع کے مطابق شہباز گل مکمل طور پر صحت مند ہیں اور ان کی تمام رپورٹس بھی کلیئر ہیں۔
