اسلام آباد: پاکستان تحریک انصاف (پی ٹی آئی) کی جانب سے ریلی کے معاملے پر ڈپٹی کمشنر اسلام آباد نے انتباہ جاری کردیا۔

ڈی سی اسلام آباد نے شہر میں پانچ سے زائد افراد کے اکٹھے ہونے پر پابندی سے متعلق نوٹیفکیشن سوشل میڈیا ایک بار پھر جاری کردیا۔

نوٹیفکیشن کےمطابق جلسے، جلوس اور ریلی وغیرہ پر پابندی عائد ہے جس کی خلاف ورزی کرنے والوں کے خلاف ایکشن لیا جائے گا۔

ڈپٹی کمشنر نے کہا کہ شہر میں پانچ افراد کے اکھٹے ہونے پر پابندی ہے، اسلام آباد انتظامیہ کی جانب سے یہ پابندی 23 جولائی 2022 سے عائد ہے۔

خیال رہے کہ عمران خان نے آج (ہفتہ) راولپنڈی سے ایف نائن پارک اسلام آباد تک شہباز گل پر تشدد کے خلاف ریلی نکالنے کا اعلان کیا ہے جس کی قیادت وہ خود کریں گے۔