کراچی : پاکستان تحریک انصاف (پی ٹی آئی) نے کراچی میں چیئرمین عمران خان کے جلسے کیلئے سیکیورٹی متعلقہ اداروں سے اجازت و سیکیورٹی کیلئے درخواست دے دی۔

تحریک انصاف کراچی نے ڈی جی رینجرز، آئی جی سندھ، کمشنر کراچی اور مزار قائد کی انتظامیہ کو درخواست جمع کرائی۔

درخواست پی ٹی آئی کراچی کے صدر بلال غفار کی جانب سے جمع کرائی گئی۔

پی ٹی آئی کی جانب سے چیئرمین عمران خان کے کراچی جلسے کیلئے باغ جناح میں انتظامات کیے جائیں گے۔

اس حوالے سے بلال غفار کا کہنا ہے کہ عمران خان کراچی میں 19 اگست کو تاریخی جلسے سے خطاب کریں گے، انتظامیہ باغ جناح کی سیکورٹی کیلئے اقدامات یقینی بنائے۔