پاکستان کی 75 ویں یوم آزادی کی مرکزی تقریب اسلام آباد میں ہوئی، جس میں ملک کے تمام نامور موسیقکاروں نے اپنے فن کا شاندار مظاہرہ کیا۔

تقریب میں وزیراعظم شہباز شریف نے پرچم کشائی کی، جس کے بعد قومی ترانہ پیش کیا گیا، جبکہ چاروں صوبوں کے کلچر کی بھی خوب ترجمانی کی گئی۔

مرکزی تقریب اسلام آباد کے جناح کنونشن سینٹرمیں منعقد ہوئی جس سے وزیراعظم نے خطاب کیا۔

تقریب کا باقاعدہ آغاز قاری صداقت علی نے تلاوت کلام پاک سے کیا، جبکہ نور محمد نے اپنی خوبصورت آواز میں نعت پیش کرکے سماں باندھ دیا۔

تقریب میں اسپکرقومی اسمبلی راجہ پرویزاشریف، چئیرمین سینیٹ صادق سنجرانی، وفاقی وزرا، اراکین پارلیمنٹ سمیت عسکری قیادت بھی شریک تھی۔

یوم آزادی کی مرکزی تقریب میں مختلف سیاسی، سماجی تنظیموں کے رہنماؤں سمیت سفارت کاروں نے بھی شرکت کی۔