پیپلز پارٹی نے کراچی میں قومی اسمبلی کی نشست این اے 245 کے ضمنی انتخاب میں دستبرداری کا اعلان کردیا۔

ایک بیان میں صوبائی وزیر اور رہنما پیپلز پارٹی سعید غنی نے تصدیق کرتے ہوئے کہا کہ پی پی کے امیدوار دانش خان ضمنی الیکشن سے دستبردار ہوگئے ہیں۔

انہوں نے کہا کہ پیپلز پارٹی نے دستبرداری کا فیصلہ اتحادی جماعتوں کے مابین طے شدہ اتفاق پر کیا کہ 2018 کے انتخابات میں اکثریتی ووٹ لینے والی جماعت ہی اس ضمنی انتخاب میں حصہ لے۔

یاد رہے کہ رہنما پاکستان تحریک انصاف عامر لیاقت حسین کی وفات کے بعد این اے 245 کی نشست خالی ہوگئی تھی جس پر 21 اگست کو ضمنی الیکشن ہونا ہے۔