پاکستان کی آزادی کے 75 سال مکمل ہونے پر پاکستانیوں کی طرح ملک میں تعینات یورپی یونین کی سفیر ڈاکٹررینا نے قومی ترانے کی دھن بجاکرمحبت کا اظہار کیا۔

یورپی یونین پاکستان کے تصدیق شدہ ٹوئٹراکاؤنٹ سے ایک ویڈیو شئیرکی گئی، جس میں سُنا جاسکتا ہے کہ ڈاکٹر رینا خوبصورت اندازمیں بڑی مہارت کے ساتھ باجے پر قومی ترانے کی دُھن بجارہی ہیں۔

قومی ترانے کی ویڈیو ایک منٹ 31 سیکنڈ کی ہے، جس میں یورپی یونین کی سفیر نے قومی پرچم کے رنگ والا لباس بھی زیب تن کیا ہوا ہے۔

ڈاکٹررینا کی ویڈیو کوسوشل میڈیا صارفین کی جانب سے بے حد پسند کی جارہا ہے، جبکہ حکومتِ پاکستان نے بھی اپنے آفیشل اکاؤنٹ سے ویڈیو شئیر کی ہے۔