دبئی کے ولی عہد شیخ حمدان بن محمد نے شاہراہ پر پڑے سیمنٹ کے دو بلاک ہٹانے والے پاکستانی شہری عبدالغفورسے ملاقات کرلی۔

سماجی رابطے کی ویب سائٹ پر تصویر شیئر کرتے ہوئے انہوں نے لکھا کہ “عبدالغفور سے ملنا اعزاز کی بات ہے، یہ ایک حقیقی مثال جس پر ہمیں عمل کرنا چاہئے”۔

تصویرمیں دیکھا جاسکتا ہے کہ شیخ حمدان نے پاکستانی شہری کے کندھے پر ہاتھ رکھ کر تصویرشیئر کی ہے۔

دوسری جانب پاکستان میں متحدہ عرب امارات کے سفارتخانے کے آفیشل ٹوئٹراکاؤنٹ سے تصویرکے ساتھ عبدالغفورکی ویڈیو بھی شئیر کی گئی۔

چند روز پہلے عبدالغفور نے دبئی کے علاقے القوز میں شاہراہ پر پڑے دو سیمنٹ کے بلاک ہٹائے تھے۔

عبدالغفورکی بلاک ہٹانے کی ویڈیوسوشل میڈیا پر وائرل ہوگئی جس کے بعد ولی عہد نے پاکستانی شہری کا شکریہ ادا کیا۔