امریکی شہرنیویارک میں چوروں نے بڑی پُھرتی کے ساتھ 45 سیکنڈ میں جیولری کی دوکان کا صفایا کردیا۔

امریکی میڈیا کے مطابق دن دیہاڑے دیدہ دلیری کے ساتھ 4 مسلح چوروں نے نیویارک شہرمیں واقع جیولری کی دوکان لوٹ لی، جس کی سی سی ٹی وی مںظرعام پرآگئی ہے۔

سی سی ٹی وی فوٹیج میں دیکھا جاسکتا ہے کہ چہروں پرماسک لگاہونے کے باعث ملزمان کی شناخت نہیں ہوپائی ہے۔

ویڈیوکےآغازمیں دیکھا جاسکتا ہے کہ ایک شخص نے اسٹور کا دروازہ کھول کر اندرآنے میں معاونت کی اور خود باہر کھڑے رہ کرایسے ظاہرکیا کہ سب معمول کے مطابق ہے۔

دکان کے اندر کالے کپڑے اورماسک پہنے دو چوراندرداخل ہوئے اس کے بعد تیسرے کواندرآتے دیکھا جاسکتا ہے۔

نیویارک پولیس کی جانب سے چوروں کی گرفتاری میں مدد کرنے والے فرد کو3500 ڈالر(7 لاکھ پاکستانی روپے) انعامی رقم دینے کا اعلان کیا گیا ہے۔