ابراہیم حیدری کے رہائشی ماہی گیروں نے ہمت اور جرات کا مظاہرہ کرتے ہوئے سمندر میں ڈوبتے ہوئے چینی باشندے کو بچا کر میری ٹائم سیکیورٹی ایجنسی کے حوالے کردیا۔

ترجمان فشر فوک فورم کے مطابق چینی باشندہ بھنڈار آئی لینڈ کے نزید گہرے سمندر میں ڈوب رہا تھا، جو محل و وقوع کا اندازہ نہ ہونے کے باعث حادثے کا شکار ہوگیا۔

تاہم شکار کی غرض سے سمندر میں موجود ماہی گیروں نے چینی باشندے کو فوری طور پر دیکھ کر مدد فراہم کی اور ابتدائی طبی امداد فراہم کرنے کے بعد اسے میری ٹائم سیکیورٹی ایجنسی کے حوالے کردیا گیا۔