وزیراعلیٰ پنجاب چوہدری پرویزالٰہی کی زیرِ صدارت لاہور میں صوبائی کابینہ کا پہلا اجلاس ہوا۔
اجلاس میں پنجاب کابینہ نے یوم عاشور کے لئے فول پروف سکیورٹی پلان کی سمیت نویں، دسویں محرم کو ڈبل سواری اور حساس مقامات و جلوسوں کے راستے پر موبائل سروس بند رکھنے کا فیصلہ کیا۔
کابینہ اجلاس کے دوران وزیراعلیٰ پرویز الٰہی نے حکام کو ہدایت کی کہ یوم عاشور پر قیام امن کے لئے ضلع کی سطح پر میٹنگز اور جلوسوں، مجالس کی سی سی ٹی وی کوریج یقینی بنائی جائے۔
انہوں نے کہا کہ قابل اعتراض مواد کی اشاعت و تقسیم پر کوئی سمجھوتا نہیں ہوگا، خلاف ورزی پر بلا امتیاز کارروائی جب کہ ضابطہ اخلاق کی پابندی پر عملدرآمد یقینی بنایا جائے۔
