اسلام آباد:جوڈیشل کمیشن اجلاس کےاعلامیے پر جسٹس قاضی فائز عیسیٰ اور جسٹس طارق مسعود کے بعد اٹارنی جنرل اشتر اوصاف کا مؤقف بھی سامنے آگیا۔

اٹارنی جنرل آف پاکستان اشتر اوصاف جو کہ اس وقت علاج کیلئے بیرون ملک موجود ہیں ۔

اٹارنی جنرل نے جوڈیشل کمیشن اجلاس کے بعد جاری کیے گئے اعلامیے سے متضاد خط چیف جسٹس عمر عطا بندیال اور ممبران جوڈیشل کمیشن کو بھیج دیا۔

اشتراوصاف نے خط میں مؤقف اپنایا کہ جسٹس طارق مسعود نے جو بات کی میں نے 2 ٹوک انداز میں ان کی حمایت کی۔

یاد رہے جسٹس طارق مسعود نے سنیارٹی کا اصول نظر انداز کرنے پر سوالات اٹھاتے ہوئے نامزد ججز کے نام مسترد کرنے کا مؤقف اپنایا تھا۔

اٹارنی جنرل نے کہا کہ نامزد ججوں کی عزت کی خاطر ان کے کوائف پر رائے دینے سے اجتناب کیا۔