پاکستان تحریک انصاف کے رہنما راجہ بشارت کا کہنا ہے کہ پنجاب اسمبلی میں ڈپٹی اسپیکر کے انتخاب کیلئے اپوزیشن کے امیدوار نے کاغذات ہی جمع نہ کرائے۔
راجہ بشارت کا کہنا ہے کہ اسکروٹنی کا وقت ختم ہوچکا ہے، قانونی طور پر واثق قیوم اب بلا مقابلہ ڈپٹی اسپیکر منتخب ہوچکے ہیں۔
واثق قیوم نے ڈپٹی اسپیکر کی خالی نشست کیلئے اپنے کاغذاتِ نامزدگی جمع کرائے تھے۔
پی ٹی آئی کے نامزد امیدوار برائے ڈپٹی اسپیکر @WasiqQAbbasi نے کاغذات نامزدگی جمع کروادئیے۔ انشاءاللہ کل کے دن ایک اور فتح ملے گی۔#خان_واپس_آرہا_ہے pic.twitter.com/wZogwlzZFP
— Umer Tanveer (@umertanveerPTI) July 30, 2022
جمعہ 29 جولائی کو دوست محمد مزاری کے خلاف عدم اعتماد کی تحریک کامیاب ہونے کے بعد ڈپٹی اسپیکر کی نشست خالی ہوگئی تھی۔
پی ٹی آئی کی جانب سے واثق قیوم عباسی کو ڈپٹی اسپیکر کا امیدوار نامزد کیا گیا تھا۔
