پاکستان تحریک انصاف (پی ٹی آئی) کے رہنما شبلی فراز کا کہنا ہے کہ چوہدری شجاعت کے لکھے خط میں صرف پکوڑے لپیٹے جا سکتے ہیں۔

شبلی فراز نے میڈیا سے گفتگو کرتے ہوئے کہا کہ شریف خاندان نے ہمشہ قانون کو گھر کی لونڈی سمجھا ہے۔

ان کا کہنا تھا کہ اگر فیصلہ شریف خاندان کے حق میں آتا ہے تو ٹھیک ہے۔

انہوں نے کہا کہ پی ڈی ایم نے اعلیٰ عدلیہ پر دباؤ ڈالنے کی ناکام کوشش کی، یہی لوگ پہلے پیسے آفر کرتے ہیں کام نہ چلے تو پھر دھمکیوں پر اُتر آتے ہیں۔

پی ٹی آئی رہنما نے کہا کہ یہ لوگ اقتدار میں صرف اپنی سیاہ کاریوں کو چھپانے آتے ہیں۔