پاکستان میں ڈالر کے ساتھ سونے کی قیمت میں بھی اضافے کا رجحان دیکھا گیا ہے۔

سندھ صرافہ جیولرز ایسوسی ایشن کے مطابق سونے کے بھاؤ میں یکدم دو ہزار روپے اضافے کے بعد فی تولہ سونا 1 لاکھ 48 ہزار 300 روپے کا ہوگیا ہے۔

اس کے علاوہ 10 گرام سونے کی قدر ایک ہزار 714 روپے اضافے سے ایک لاکھ 27 ہزار 143 روپے کی سطح پر پہنچ گئی ہے۔

صرافہ ایسوسی ایشن کے مطابق عالمی بازار میں معمولی اضافے کے بعد فی اونس سونا ایک ہزار 725 ڈالر پر آگیا ہے۔